டைம்பாஸ் டைம்பாஸ்

டைம்பாஸ் டைம்பாஸ் 
======================

காலம் தப்பிய மழை என்பதால் 
கம்பியில்லாத ஈயச்சட்டங்களைத் திறந்துவிட்டு 
வெளியே நடக்கலாமா வேண்டாமா என 
யோசித்துக்கொண்டிருக்கிறேன் 
தெலுங்குப்படத்தில் வருவது போல 
சம்பந்தமில்லாத 
உடைகளை அணிந்துவிட்டு கண்ணு சிவக்க 
நண்பர்களோடு 
வசனம் பேசிக்கொண்டிருக்க இஷ்டமில்லை 
சரி, டீவீ  சேனலை மாத்தலாமுன்னு முடிவு பண்ணி 
ரிமோட் கண்ட்ரோலை 
நோண்டி நோண்டி ரிப்பேர் பண்ணிட்டேன் 
பேஸ்புக் பாத்தா 
எல்லோரும் சுத்தமா மொக்கைய போட்டு வச்சிருக்கானுங்க 
என்ன பாக்குற 
ஹோ, உன்னைப்போலவே 
யாருமில்லாம தானே பேசிக்கிட்டிருக்கானே 
இவன் யாருன்னு பாக்குறியா ??

""போன் ரொம்ப நேரமா அமைதியா இருக்கு 
உன்னைப்போலவே தான் நானும், 
ரேகைகளுக்குள் சத்தியம் ஒளிக்கிறவன்
உன் நடையின்  வேகம், 
எப்போதும்போல, என்னைப் பின் தள்ளிக்கொண்டிருக்கிறது
என் கைவிரல்களை, 
உன் அருகிலேயே வைத்திருக்கிறேன்   
உன் உறக்கத்தினோடே 
எப்போதும் நீ அணைத்திருக்க துணையாய் ம்ம் 
வெளியில்
மழைக்கு முன்னாலுள்ள காற்று  
பூவிதழ்களின் ஆயுள் பறித்துக்கொண்டிருக்கிறது  
நினைவுகளைத் தவிர, 
இங்கு சகலமும் மாறிவிட்டன 
சரி, போரடிக்குது  
காய்ந்துபோன சருகொன்றை எடுத்து 
நிறைய மையிருக்கிற பேனாவால்  
சும்மாங்காட்டி குத்திக்கொண்டிருக்கலாமா "" 

ஐயோ 
இந்த தெலுகு ரீமேக் டூயட் பாட்டு உயிரை எடுக்குது 
ஒட்டுக்கேக்கற மாதிரி 
அக்கம்பக்கத்து ரகசியமெல்லாம் 
அவ்வளவு சுவாரஸ்யமா இல்ல 
பிரெண்ட்ஸ் யாரையாவது கூப்புட்டு வச்சு பேசலாம்னா 
சரக்கடிச்சிருப்பானுங்க 
பேசுனதையே பேசி சாவடிப்பானுங்க  
ஷாப்பிங் மால் போயி பராக்கு பாக்கலாமா ம்ம் 
பொண்ணுங்கள சைட் அடிக்கிறதெல்லாம் 
அக்கப்போரு ம்ம்ம்கூம்ம் 
பிரகாஷ் ராஜுக்கும் 
அவன் கடத்திட்டு வந்த அந்த நொன்னை 
பத்திரிக்கைக்காரனுக்கும் 
டயலாக் போயிக்கிருக்கு உலக மொக்கையான 
பிரகாஷ் ராஜ்ஜோட டயலாக் 
இந்த படத்துலதான்  இருக்கும்போல 
வேறே என்னதான் செய்ய 
ஆஹ், இரு வாறன் ஒரு டீ போட்டு எடுத்துட்டுவாரேன் 
எதுனாச்சும் ஐடியா கிடைக்கும் ம்ம் 

ரமீச வரச்சொல்லி 
கொஞ்சநேரம் வெளிய எங்குட்டாச்சும் போயிருக்கலாம் 
திருவனந்தபுரம் மலையாளம் 
செம்மயா பேசுவானே, டயம் செம்மயா போகுமே  ம்ம் 
நேத்து க்ரீன் கேட் 
சாப்பாட்டைப்பத்தி பேசி 
அவனுக்கு கொதியேத்தி விட்டுட்டேன் 
அதே ஞாபகமா சுத்திக்கிருப்பான் 
சரி விடு, அப்புறமா கூப்புட்டு, டீ டைம் பார்க்கிங் ல போயி 
காருக்குள்ள இருந்து 
ஆர்டரைச் சொல்லிட்டு அவன் கொண்டாரவரை 
அவங்கூட மொக்கைப்போடலாம் 
இதுவும் சுகமாத்தா இருக்கும்ல ம்ம்ம் 
ஆமா அவன்தான் இன்னைக்கு இளிச்சவாயன் 
வாங்கிக்கொடுக்குற 
ஹார்லிக்ஸ் க்கு மேலேயே ஜாலியா பேசுவான் ஆங் 
இன்னைக்கு வெள்ளிக்கிழமை 
முடிஞ்சா சரி ஹாஹ் ஹாஹ் ஹாஹ் ஹாஹ் 

பூக்காரன் கவிதைகள்